Der Lehrer, de Franz un s`Hingl
Von Michael Schmidt
Unser Lehrer in de Schul,
des war e strenger Mann.
Kaum war er uff seim Stuhl,
Fangt‘s Unglick aa schun aa.

Wie viel is'n sechs mol vier?
Geb mr Antwort Krautworschtsepp
Odr kriescht se, des saa ich dir!
Setz dich nor, du bleibscht e Depp.

War mer umol werklich schlimm,
schnurstracks wird die Rut gezückt,
nach vorn must mer zu ihm hin,
wu er's Hinrtal  beglickt.

So war's aa em Franz passiert:
Des war do de Sindebock!
Nor der hot die Wand vrschmiert,
her mit dem gute, lange Stock!

Bitt‘ Herr Lehrer, schlaat mich net,
ich vesprech eich aa e Hingl.
Ich lie net, ich hall mei Red,
bin ich aa e großer Schlingl

De Herr Lehrer saat do druff:
Naja, mer warte halt umol.
Bringscht des Hingl morje ruff,
is die Sach schun gut un wohl.

We 'm Hingl gebt’s  drhum viel Streit!
Sei Mottr gebt's net her.
Sie saat, sie fresse un sie picke heint,
's Kukruzkerbche is ganz leer.

Zum Lehrer  kummt de Franz,
Schlaat sei Aage niedr.
Vun de Hingl kriet ihr kaans,
denn die fresse heint schun wiedr.